الأربعاء، 9 سبتمبر 2009

لييييش!!

الخبر...
سمو رئيس مجلس الوزراء يعرض مشاريع مستقبلية وخطة الاداء الحكومي خلال لقاء مقرر عقده "اليوم" مع رؤساء تحرير الصحف المحلية.
___
احترقت اعصابي وقربت اولع زقارة -وانا ما ادخن-!!
لما قريت الخبر
رؤساء الصحف عاااد مالقيت الا هذول تعرض عليهم مشاريع سموك المسقبلية
شنو السبب من ورا هالعرض
تبي رايهم؟
او توزع عليهم هالمشاريع -خصوصا اغلبيتهم من المتنفذين؟
او يسون لها دعاية عند المواطن؟
يا سمو الرئيس الدستور نص على ان تعرض مشاريع المستقبلية على السلطة الاولى _التشريعية_ في الدولة
وليس على السلطة الرابعة يا سيدي
وعلى العموم تعودنا منك ماهو طريف ونادر
_______________
...رحلة سعيدة الي كوبا والارجنتين و البرازيل
هدف الرحلة تعاون سياسي
طويل العمر انا خابر الكويت رأسمالية بحته اي تعاون تبي
اخاف بس هذا المركز المالي اللي ببالك!!
بس طويل العمر نخاف عليك تتأثر بفديل كاسترو- في السلطة من 1959 الي 2008-
______________
سوف اتوقف عن التحلطم
بسبب امتحانات الدور التكميلي لكلية الحقوق
طالع عرض صج مو وقته العشر الاواخر الواحد يتفرغ للصلاة والعبادة
امتحان 17 والثاني 19 سبتمبر
الله يعنـّي ووفقني
لا تنسونا بدعواتكم

هناك 6 تعليقات:

  1. موفق يالغالي
    تصدق ودي اقولك اخذ الحكومة و رئيسها خل يقدمون معاك اختبار بس خايف يقبسون

    ردحذف
  2. والله معاك حق !

    الله يوفقك
    وبعدين بالنسبة للي قاله انتر .. ماعتقد يقبسون .. اعتقد يقوعون !

    ردحذف
  3. مافيني اغلط ع الحكوومه....مافيني اخالف عشان اعرف لوووول

    بالتوفيج في الامتحانات

    ردحذف
  4. موفق انشاء الله بالامتحانات

    وانصح سموه بمراجعة مستشفيات منطقة الصباح الصحية
    في مستشفى تصلح لعلاج سموه من حالة عدم التركيز او انفصام الشخصية والهذيان

    ردحذف
  5. تقبل الله طاعتكم

    والعيد عليكم مبارك وسعيد

    ردحذف
  6. الله يوفقكم
    وشكرا على دعواتكم

    وابشركم قدمت زين
    والباقي على الله والتصحيح بالكنترول



    اعسدني مروركم جميعا

    انتر

    ايثار

    صمت البوح

    اهل شرق

    ردحذف