الأربعاء، 1 يوليو، 2009

التعليم العالي واشباه الطلبة؟!


نبدأ بتصريح ا.رشا الصباح وكيل التعليم العالي : قرار وقف الدراسة صدر دون دراسة وافية وشكلت لجنة لدراسة أوضاع الطلبة المبتعثين للفلبين والهند


اولاَ: هذا التصريح يدل ان الدكتورة مالها شغل بالقرار اللي صدر على الرغم من انها وكيلة التعليم العالي؟!!

ثانيا: نست الاخت ان القرار كان متاخر وهي تعلم كيفية سير التعليم في تلك الجامعات!!

اما ثالثاَ: الحملة اللي يروج لها بان الطلبة ظلموا حملة واهيه والمشكلة ان عذر الطلبة ان التعليم العالي ليش يسمح وبعدين يوهقنا يلغي الاعتراف!!, اقول لهم ان المشكلة مو التعليم العالي المشكلة فيك انت شلون تقبل اتعلم بالشكل هذا واتوهق نفسك من البداية وتغش نفسك وديرتك!!وللاسف اللي يساند هذول اهم نواب سنة اولى مجلس؟!

رابعا: الا يوجد في التعليم العالي مسؤول رشيد .. يخاف على الديرة من مخرجات مثل هالجامعات او _الدكاكيين التجارية_ هذول كلهم باجر يبون رئاسة قسم يتطورون لين يمسكون مناصب واهم مايعرفون شنو تخصصهم.

اخيرأَ: يادكتورة رشا اتمنى تزورين الجامعات بنفسج وتمرين على طلبة جامعة الكويت وخاصة طلبة الحقوق والادارية والاقسام العلمية يرضيكم ان الطلبة الملتزمين بالدوام وناجحين ومتميزين بتخصصاتهم ينطر بالديوان سنه وسنتين وطلبة الوهم مجرد يعدل وضعه وبليلة وضحاها يصير بمنصب اكبر من عقليته..

الكويت بخطر اذا امتلأ سوق العمل بمثل هؤلاء اشباه الطلبة والمتضرر الوحيد هي الديرة.

ليست هناك تعليقات:

إرسال تعليق